<h1> </h1>
<p>«Біздің студенттер – болашақ темір жолшылар» бітіруші түлектердің ізгі ниеті</p>
Жарылқапов Бекзат
«Patentes Talgo Жолсерігі»
М.Тынышбаев атындағы Қазақ көлік және коммуникациялар академиясы Шымкент көлік колледжі біздерге сапалы білім мен өнегелі тәрбие беріп, үлкен өмірге жолдама берді. Жолдама алған түлектердің жанарынан өз мамандығына деген кәсіби көзқарас, ұшқын байқалды. Колледж студенттерінің жұлдызды шеруінің өзінен-ақ, олардың биік мақсатқа өрлеп келе жатқанын сөзсіз жүрекпен ұғып, ерекше қимастықпен қарадық. Қасиетті қарашаңырақты бітіріп отырған біздердің арманымыз асқақ. Көлледжде өткен алтын уақытымыздың – жүрегімізде ұмытылмай мәңгі жатталып қалары сөзсіз. Осы колледжді бітіріп, міне, «Patens Talgo Жолсерігі» болып қызмет атқарып келемін, менің арманым орындалды. Сіздерге де алдағы уақытта мектеп бітірген уақытта, мамандықты дұрыс таңдап, осы аталған колледже түсулеріңізге тілектеспін!
Орынбасар Айнұр
«Шымкент станциясы-Бірінші дәрежелі техник»
Мен, М.Тынышбаев атындағы Қазақ көлік және коммуникациялар академиясы Шымкент көлік колледжін бітіріп, елімізге, жерімізге сіңіретін еңбектеріммен өз нәтижелерімді көрсетуге бар жігерімді салудамын. Өз колледжімді, ондағы жұмыс атқарып жатқан білікті де білімді ұстаздарды мақтанышпен айтуға болады. Бізді тәртіпті, білімді етіп шығарған колледждің құрметті ұстаздарына алғысым шексіз! Рас, қазіргі таңда колледждер көп, бірақ солардың ішінде мен колледждердің бірегейі ретінде осы колледжге түсіп, білім алсаңыздар, келешекте керемет маман иесі болып шығатындарыңызға менің сенімім мол, себебі, мен өзім аталған колледжге түсіп, қазіргі уақытта «Шымкент станциясы-Бірінші дәрежелі техник» болып қызмет атқарып келемін. Мен осы колледжді таңдап, осы колледжде білім алып, мамандығым бойынша жұмыс істеп жүргенімді мақтанышпен айта аламын!
Тұрсын Дархан
"ҚТЖ-Жүк тасымалы" акционерлік қоғамының филиалы - " БП Ақмола бөлімшесі" машинист көмекшісі
Өзімнің қимас бір мекеніме айналған, балдәурен шақтың балауса қызығын өткізген, бойымызға білікті білім мен тәлімді тәрбие жинаған колледжіммен және ұстаздарыммен мақтана аламын. Осыдан төр жыл бұрын біз осы колледждің қастерлі табалдырығын жасқана да жүрексіне аттап, өзіңізге тәлім берер ұстазымызбен жүздесіп, білім нәріне бас қойған едік. Содан бері ағын судай жылжыған жылдар легі біздің өрісімізді кеңейтті, бойымызды қатайтты, алдымыздан күн сайын жаңалықтар легі ашылды, танымымыз тереңдей түсті. Біз колледж партасында отырып, ұстаз аузынан естілген әр бір білім жаңалығының қабылдаушысы болып қана қоймай, колледжде өткізілген қаншама игілікті шаралардың белортасында жүрдік, жарқын да мағыналы істердің жанашыр куәгері атандық. Біздің бойымызға білікті білім мен тәлімді тәрбие егуді өзімнің жауапкершілік міндетім деп қана ұғатын барлық ұстаздарымыз енді біздің дәл осындай биіктен көріне білгенімізге қуанады. Осынау кезеңдерде өмір кемеміздің желкенін еш уақытта түсірмеу үшін, біздің бойымызға білім мен білік, батылдық ұялатты. Біз, Елбасы армандаған мәңгілік болашақтың бүгінгі жас теміржолшысы екендігімізге өте қуаныштымын, дән ризамын!
